كيفية الاستفادة من 2000 درهم كتعويض على التوقف المؤقت عن العمل بسبب فيروس كورونا

من بعد ما علنات الدولة عن حالة الطوارئ الصحية فكافة ربوع المغرب بسباب فيروس كورونا “كوفيد 19” ، ومن بعد ما أصبح التنقل والخروج من المنزل كيستلزم الحصول على وثيقة رسمية من عند رجال وأعوان السلطة، ومن بعد ما توقفت عدة شركات ومعامل ومصانع عن العمل.

بزاف ديال العمال والأجراء وبزاف ديال المقاولات الصغرى والمتوسطة لقاو راسهم فموقف لايحسد عليه بسباب الوضعية الصعيبة اللي كيعيشوها، بسباب التوقف عن العمل

هداك علاش الدولة ومن عن طريق لجنة اليقظة الاقتصادية لتدبير آثار انتشار فيروس كورونا قامت بمجموعة من التدابير اللي كتهم الأجراء والمقاولات الصغرى والمتوسطة.

فهاد المقال غادي نشرحو فيه كافة هاد التدابير بالدارجة المغربية باش يقدر الجميع يستافد منها بشكل واضح.

مع الاشارة الى أن المعلومات اللي غادي نقدموا هي منقولة من المصادر الرسمية المغربية اللي غادي نوضعوا الروابط ديالها، وحنا غادي نحاولو فقط نشرحوا داكشي اللي كاين بطريقة مبسطة.

تدابير اللجنة الاقتصادية لمواجهة آثار انتشار فيروس كورونا :

يوم الجمعة 20 مارس 2020 عقدت لجنة اليقظة الاقتصادية اجتماع حول التدابير اللي غاتهم المأجورين والمقاولات.

وفهاد الاجتماع علنت اللجنة على حزمة من التدابير اللي كتهم جوج فئات هما:

1. المأجورين اللي منخارطين في صندوق الضمان الاجتماعي
2. المقاولات الصغرى والمتوسطة.

1_ التدابير التي تهم المأجورين المتوقفين عن العمل بسبب كورونا :

كيدخل فاطار المأجورين كل من العمال والمستخدمين اللي منخارطين فصندوق الضمان الاجتماعي cnss

هاد الفئة خصص ليها الصندوق الاقتصادي مساعدات كتمثل في:

• 1000 درهم لشهر مارس و 2000 درهم بالنسبة لكل شهر خلال أبريل وماي ويونيو
• الاستفادة من التعويضات العائلية، والتأمين الاجباري على المرض AMO
• يقدرو يقدمو طلب باش يأجلو دفع أقساط السلف اللي عليهم المتعلق بالاستهلاك أو السكن لأشهر مارس، أبريل، ماي، يونيو وأن يكون الأداء عند نهاية آخر قسط

أما بالنسبة للمستخدمين والعمال اللي مامسجلينش فصندوق الضمان الاجتماعي CNSS فاللجنة الاقتصادية  في قيد البحث عن الآلية المناسبة لمساعدة هاد الفئات.

2_ التدابير المتخذة من أجل دعم المقاولات الصغرى بالمغرب المتضررة من تفشي كورونا :

هاد التدابير هي موجهة لفائدة المقاولات، المقاولات المتوسطة، المقاولات الصغرى، المقاولات الصغرى جدا والمهن الحرة اللي كتواجه صعوبات بسبب التوقف عن العمل بسباب هاد الوباء.

هاد الفئة خصص ليها الصندوق الاقتصادي مساعدات كتمثل في:

• تعليق أداء المساهمات الاجتماعية الى غاية 30 يونيو 2020
• تأجيل سداد القروض البنكية وتلك المتعلقة بقروض الايجار حتى لـ 30 يونيو  فهاد العام، وبلا ميترتب عليهم لا غرامات ولا رسوم
• تفعيل خط اضافي للقروض كتمنحها البنوك وكيضمنها الصندوق المركزي للضمان.
• تأجيل وضع التصريحات الضريبية للمقاولات اللي مكيتجاوزش رقم المعاملات السنوي ديالها 20 مليون درهم الى غاية 30 يونيو 2020
• تعليق المراقبة الضريبية والاشعار لغير الحائز ATD حتى 30 يونيو من هاد السنة.

البرنامج المندمج لدعم وتمويل المقاولات في المغرب “انطلاقة” .. كل ما تريد معرفته عن هذا الموضوع

كيفية الاستفادة من تعويض التوقف المؤقت عن العمل للمقاولات والأجراء المنخرطين في صندوق الضمان الاجتماعي CNSS

من بعد ما قدم “الصندوق الاقتصادي لمواجهة آثار انتشار فيروس كورنا” عدة تدابير للحفاظ على القدرة الشرائية ديال الأجراء وأيضا دعم المقاولات الصغرى.

صندوق الضمان الاجتماعي غادي ينشر واحد البلاغ يوم الثلاثاء 24 مارس 2020 كيشرح فيه كيفية الاستفادة من التدابير المتخذة للفئات المعنية بالأمر اللي ذكرناها سابقا.

وفي هذا الصدد أطلق الصندوق بوابة إلكترونية خاصة بالتعويضات الجزافية الشهرية اللي يمكن يدخل ليها المشغل عبر هذا الرابط

covid19.cnss.ma

شرح طريقة تصريح المشغلين بلائحة الأجراء المعنيين بالتوقف المؤقت عن العمل

هاد الموقع يقدر يدخل ليه المشغل باش يقوم بعملية ادخال المعلومات المتعلقة بالمأجورين اللي كيخدموا عندو واللي متوقفين عن العمل بشكل مؤقت بسباب فيروس كورونا.

هداك علاش مامطلوبش منك سوا كنتي مشغل أو أجير تمشي لوكالات الصندوق الوطني للضمان الاجتماعي باش تستافد من هاد التدابير.

حيت غير من موقع covid19.cnss.ma يقدر المشغل يدير الاجراءات اللازمة، وبعد ذلك غادي يتوصلوا الأجراء المعنيون بالتعويض الجزافي نهاية كل شهر طيلة مدة هاد الأزمة.

على العموم حنا غادي نشرحو المراحل اللي خاص يديرها المشغل مين يدخل للموقع:

1_ الى كان المشغل منخرط في خدمة “ضمانكم” :

المشغل اللي ديجا منخارط في خدمة ضمانكم غادي يكون عليه يتابع هاد الخطوات:

• يدخل اسم المستخدم وكلمة السر
• بعد ذلك غادي تظهر ليه لائحة الأجراء المصرح بهم برسم شهر فبراير 2021
• غادي يكون عليه الاختيار من هاد اللائحة الأجراء اللي متوقفين مؤقتا عن العمل بسباب covid 19

ومن بعد القيام بهاد العملية غادي يبقى يتوصلو الأجراء المعنيين بالتعويض الجزافي الصافي نهاية كل شهر

2_ الى كان المشغل ما منخارطش في خدمة ضمانكم :

بالنسبة للمشغل اللي مامنخارطش فخدمة ضمانكم غادي يكون عليه القيام بهاد الخطوات:

• خاصو يقوم بفتح حساب “ضمانكم”
• غادي يتوصل عبر البريد الالكتروني باسم الاستخدام وكلمة السر، باش يقدر يدير تسجيل الدخول
• بعد تسجيل الدخول غادي تظهر ليه لائحة الأجراء المصرح بهم برسم شهر فبراير 2021
• غادي يكون عليه الاختيار من هاد اللائحة الأجراء اللي متوقفين مؤقتا عن العمل بسبب فيروس كورونا

ومن بعد القيام بهاد العملية أيضا غادي يبقى يتوصلو الأجراء المعنيين بالتعويض الجزافي الصافي نهاية كل شهر طيلة مدة الأزمة.

♦ TelmidTICE .. معلومات هامة للتلاميذ وأولياء أمورهم للاستفادة بشكل جيد من منصة الدراسة عن بعد

ملاحظات لا بد منها :

يجب على المشغل تدوين تصريح بالشرف على البوابة كيفيد بأن التوقيف الكلي أو الجزئي للعمل هو نتيجة تفشي فيروس كورونا.

وخاصو يعرف بأن أي تصريح زائف يعرض صاحبه للعقوبات المنصوص عليها في القوانين الجاري بها العمل

♦ المقاول الذاتي 2023 .. شرح كامل لهذا الموضوع بشكل مفصل ومبسط وبالدارجة المغربية

♦ بطاقة المقاول الذاتي .. شرح مفصل وبالصور لطريقة ملء استمارة المقاول الذاتي بالمغرب 2023

الأسئلة الشائعة حول استفادة الأجراء المنخرطين في الصندوق الوطني للضمان الاجتماعي من صندوق جائحة كورونا:

وزارة الشغل والادماج المهني دارت واحد الفيديو كتقدم فيه شروحات مبسطة لكيفية الاستفادة من صندوق جائحة COVID-19 للفئات المعنية.

وعبر هاد الفيديو أيضا جاوبات على بعض أهم الأسئلة اللي متعلقة بهاد الموضوع واللي كانت كالتالي:

1_شكون هي الفئات اللي معنية بهاد الدعم؟

هاد الدعم موجه لكل الأجراء اللي مصرح بهم فالصندوق الوطني للضمان الاجتماعي برسم شهر فبراير 2021 واللي توقفوا على العمل بسبباب فيروس كورونا

2_ شحال هو المبلغ ديال الدعم؟

1000 درهم لشهر مارس و 2000 درهم بالنسبة لكل شهر خلال أبريل وماي ويونيو

3_ شنو هي الامتيازات الأخرى اللي غايستافد منها الأجير ؟

الأجير غادي يحتافظ خلال هاد الفترة بالحق في الاستفادة من التعويضات العائلية والتأمين الاجبار عن المرض

4_ واش ضروري الأجير خاصو يوضع طلب الاستفادة في البوابة الالكترونية ؟

العامل أو المستخدم ما غادي يكون عليه يدير والو حيت المشغل هو اللي غادي يقوم بهاد العملية اللي أشرنا اليها سابقا.

5_ كيفاش غادي تم عملية وضع طلب الاستفادة من طرف المشغل؟

هاد العملية شرنا اليها سابقا في فقرة “شرح طريقة تصريح المشغلين بلائحة الأجراء المعنيين بالتوقف المؤقت عن العمل”

6_ كيفاش غادي يقدر الأجير يحصل على الدعم؟

مين غادي يقوم المشغل بالدخول الى البوابة الالكترونية ويقوم بخطوات اللي ذكرناها سالفا.

غادي يتوصل الأجراء المعنيون بالتعويض الجزافي نهاية كل شهر طيلة فترة أزمة كورونا.

غادي يتم تحويل المبلغ الى حسابهم البنكي أو من خلال وضعها رهن اشارتهم لدى بعض البنوك.

https://www.facebook.com/Elotmanisaad/videos/219190879292598

يمكنلك تشاهد هاد الفيديو ديال القناة الثانية ليكيقدموا فيه اجابات على بعض الأسئلة المتعلقة بفيروس كورونا.

وفي الدقيقة 9 من هاد الفيديو غادي تلقى المعلومات المتعلقة بدعم الأجراء والمقاولات الصغيرة المتصررة من وباء كورونا

مواضيع قد تهمك:

• بقدرة قادر .. أقوى جوازات السفر في العالم تفقد قيمتها بسبب فيروس كورونا
• فيروس كورونا تعرفون سلبياته، فهل تعرفون إيجابياته ؟ اليكم 5 أشياء إيجابية جاءت مع هذا الفيروس
• دعم المقاولات الصغرى بالمغرب 2023 .. كيفية انشاء مقاولة للاستفادة من برنامج دعم وتمويل المقاولات