وثيقة

جواز السفر المغربي 2024 .. تعرف على وثائق جواز السفر المطلوبة للمغاربة سواء بالداخل أو الخارج

جواز السفر المغربي 2024 .. الى كنتي مغربي عايش في المغرب أو عايش في الخارج وبغيتي تعرف شنو هي الوثائق المطلوبة لجواز السفر المغربي 2024 ، وشنو هي الاجراءات اللي خاصك تدير، وكيفاش تعمر استمارة جواز السفر ؟ فغادي يكون عليك غي تقرا هاد المقال اللي غادي تلقى فيه ڭاع المعلومات اللي تقدر تحتاجها بخصوص الباسبور المغربي .

ماشي من عادتنا نكتبو المقالات بالدارجة المغربية ، لأن المتتبعين ديالنا من كافة الجنسيات العربية، ولكن بما أن هاد الموضوع كيخص المغاربة بوحدهوم ، قررنا نكتبوه بالدارجة باش كلشي يفهم وتعم الاستفادة.

على العموم هاد المقال غادي يكون مقسم لجزئين وهما

  1. -الجزء الأول فيه معلومات حول جواز السفر المغربي للمغاربة المقيمين في المغرب
  2. الجزء الثاني فيه معلومات حول جواز السفر المغربي للمغاربة المقيمين في الخارج

وفكل جزء كاينين بزاف ديال المعلومات التي كتهم جميع الفئات العمرية.. الحاصيل المقال فيه ما يتقرى خاص غي اللي يقرا ??

فيزا مصر للمغاربة .. تعرف على اجراءات السفر من المغرب الى مصر

1_ جواز السفر المغربي 2024 للمغاربة المقيمن داخل المغرب :

هاد الفقرة غادي تكون كتهضر على الوثائق المطلوبة في جواز السفر المغربي للناس اللي عايشين داخل المغرب.

وفهاد الفقرة غادي نهضرو على الوثائق اللي مطلوبة للراشدين، والراشدين تحت الوصاية والأطفال.

وأيضا غادي نقدمو شرح بالصور لطريقة شراء التمبر الالكتروني وكيفية ملء استمارة جواز السفر الالكترونية.

ملف جواز السفر للمغاربة المقيمين داخل المغرب :

كاين واحد الاختلاف بسيط في الوثائق المطلوبة في جواز السفر بين الراشدين والراشدين تحت الوصاية والقاصرين والأطفال .

هداك علاش غادي نهضرور على كل فئة بوحدها وعلى الوثائق اللي غادي تحتاجها في ملف الطلب ديالها

أ_  وثائق جواز السفر المغربي 2024 للراشدين:

  • أول حاجة خاصك تدير هي تعمر استمارة طلب الحصول على جواز السفر البيومتري على موقع وزارة الداخلية المغربية وغادي يكون عليك توقعها وتأرخها ، وباش تعمر هاد الاستمارة خاصك تشري تمبر الكتروني ( غادي نشرحو كيفاش تشري التمبر الالكتروني غير صبر شوية)
  • فوطوكبي ديال لاكارط ومخاصهاش تكون ميتة (سارية المفعول)
  • 2 تصاور يكونو جداد ويكونو بخلفية بيضاء أو زرقاء أو رمادية ويكونو متشابهين (ماشي تصوير فجيه ولوخرى فجيه) ويكونو بمقاس (45×35 مم) وكيبينو ملامح الوجه بوضوح ( باش تهني راسك قل للمصور دير لي تصاور دلباسبور وهنّاك الله)
وثائق تجديد جواز السفر المغربي 2024 :

بالنسبة للناس اللي باغيين يعرفوا اجراءات تجديد جواز السفر المغربي سواء اللي مات ليه الباسبور أو تسرق ليه أو تلف ليه فخاصهوم يعرفو بللي خاصهوم يتوفرو على الوثائق اللي هضرنا عليها، زائد وثائق أخرى بحسب الحالات:

  • جواز السفر القديم أو ما يبرر مصيره بالنسبة لمن يريد تجديد جواز السفر بسبب انتهائه صلاحيته
  • شهادة التصريح بالضياع أو السرقة مع الاشارة الى رقم الجواز الضائع أو المسروق  بالنسبة للناس اللي تسرق ليهم الباسبور أو تلف ليهم

غير هو خاص تكون شهادة التصريح بالضياع أو السرقة مسلمة من عند:

  • المصالح المختصة ترابيا للأمن الوطني أو الدرك  الملكي إذا كان جواز السفر قد ضاع أو سرق بالمغرب.
  • المصالح الأمنية المختصة ترابيا أو السفارة أو القنصلية العامة للملكة المغربية إذا كان جواز السفر قد ضاع أو سرق بالخارج.

ب_ وثائق جواز السفر للراشدين تحت الوصاية :

الراشدين تحت الوصاية هوما الشباب اللي وصلو لسن الرشد القانوني (18 سنة) ولكن مازالين تحت الوصاية ديال والديهم أو أولياء الأمور بسباب قرايتهم أو بسباب شي مرض.

الوثائق المطلوبة لجواز السفر المغربي 2024 للراشدين تحت الوصاية هي نفس الوثائق المطلوبة للراشدين، اللهم بعض الاستثناءات البسيطة وهي:

  • ملء استمارة جواز السفر المغربي من الموقع الرسمي لوزارة الداخلية المغربية وخاص تكون هاد الاستمارة موقعة ومؤرخة من طرف النائب الشرعي، الذي سيكون عليه شراء التمبر الالكتروني لاتمام تعبئة الاستمارة؛
  • نسخة من بطاقة التعريف الوطنية الالكترونية سارية المفعول؛
  • 2 صور فوتوغرافية بنفس المعايير المذكورة سابقا؛
  • وثيقة تثبت صفة النائب الشرعي والصلة التي تجمعه بالراشد الخاضع للوصاية؛

أيضا الوثائق المطلوبة لتجديد جواز السفر المغربي للراشدين تحت الوصاية هي نفس الوثائق المطلوبة للراشدين اللي ذكرناها بلا أي تغيير.

  • جواز السفر القديم أو ما يبرر مصيره بالنسبة لمن يريد تجديد جواز السفر بسبب انتهائه صلاحيته
  • شهادة التصريح بالضياع أو السرقة مع الاشارة الى رقم الجواز الضائع أو المسروق  بالنسبة للناس اللي تسرق ليهم الباسبور أو تلف ليهم

ج_ الوثائق المطلوبة بالنسبة للقاصرين ( من 12 إلى 18 سنة)

هاد الوثائق كتخص القاصرين اللي سن ديالهم كيترواح بين 12 و18 سنة

وهي في العموم نفس الوثائق المطلوبة للراشدين مع بعض الاختلافات البسيطة:

  • استمارة جواز السفر المغربي مملوءة وموقعة ومؤرخة من طرف النائب الشرعي، اللي غايكون عليه شراء التمبر الالكتروني لاتمام تعبئة الاستمارة؛
  • نسخة من البطاقة الوطنية للتعريف الالكترونية سارية الصلاحية.
  • 2 تصاور يكونو جداد ويكونو بخلفية بيضاء أو زرقاء أو رمادية ويكونو متشابهين ويكونو بمقاس (45×35 مم) وكيبينو ملامح الوجه بوضوح
  • وثيقة تثبت هوية والدي القاصر(بالنسبة للوالدين المغاربة يجب الادلاء بنسخة من البطاقة الوطنية للتعريف الالكترونية وبالنسبة للوالدين غير المغاربة يجب الادلاء بنسخة من بطاقة التسجيل بالمغرب او نسخة من جواز السفر).
  • وثيقة تثبت هوية النائب الشرعي وصفته عندما لا يتعلق الأمر بالأب أو الأم.

أيضا الوثائق المطلوبة لتجديد الجواز المغربي لهاد الفئة هي نفس الوثائق المطلوبة للراشدين اللي ذكرناها بلا أي تغيير.

  • جواز السفر القديم أو ما يبرر مصيره بالنسبة لمن يريد تجديد جواز السفر بسبب انتهائه صلاحيته
  • شهادة التصريح بالضياع أو السرقة مع الاشارة الى رقم الجواز الضائع أو المسروق  بالنسبة للناس اللي تسرق ليهم الباسبور أو تلف ليهم

د_ الوثائق المطلوبة بالنسبة للقاصرين ( أقل من 12 سنة)

الفئة الأخيرة هي فئة الأطفال اللي كيقل عمرهم على 12 سنة، الوثائق اللي كتحتاج هاد الفئة هي نفس الوثائق المطلوبة للفئات الأخرى اللي ذكرناها مع بعض الاختلافات البسيطة وهي:

  • استمارة جواز السفر المغربي مملوءة وموقعة ومؤرخة من طرف النائب الشرعي، اللي غايكون عليه شراء التمبر الالكتروني لاتمام تعبئة الاستمارة؛
  • نسخة موجزة أو كاملة من رسم الولادة لا تتعدى مدة تسليمها 3 أشهر أو نسخة من الدفتر العائلي مع تقديم هذا الدفتر.
  • وثيقة تثبت عنوان الإقامة لا تتعدى مدة تسليمها 3 أشهر، إذا تعلق الأمر بقاصر غير قاطن مع والديه أو مع نائبه الشرعي.
  • 2 تصاور يكونو جداد ويكونو بخلفية بيضاء أو زرقاء أو رمادية ويكونو متشابهين ويكونو بمقاس (45×35 مم) وكيبينو ملامح الوجه بوضوح
  • وثيقة تثبت هوية والدي القاصر(بالنسبة للوالدين المغاربة يجب الادلاء بنسخة من البطاقة الوطنية للتعريف الالكترونية وبالنسبة للوالدين غير المغاربة يجب الادلاء بنسخة من بطاقة التسجيل بالمغرب او نسخة من جواز السفر).
  • وثيقة تثبت هوية النائب الشرعي وصفته عندما لا يتعلق الأمر بالأب أو الأم.

أيضا الوثائق المطلوبة لتجديد الجواز المغربي لهاد الفئة هي نفس الوثائق المطلوبة للراشدين اللي ذكرناها بلا أي تغيير.

  • جواز السفر القديم أو ما يبرر مصيره بالنسبة لمن يريد تجديد جواز السفر بسبب انتهائه صلاحيته
  • شهادة التصريح بالضياع أو السرقة مع الاشارة الى رقم الجواز الضائع أو المسروق  بالنسبة للناس اللي تسرق ليهم الباسبور أو تلف ليهم

طريقة شراء التمبر الالكتروني وملء استمارة جواز السفر المغربي 2024 (شرح بالصور)

أول حاجة خاصك تدير باش تعمر استمارة جواز السفر خاص يكون عندك التمبر الالكتروني .

والتمبر الالكتروني هو عبارة عن كود كيتكون من 16 الرقم واللي غادي يكون عليك تشريه من الأنترنت.

ما تخاف ما تدهش .. العملية ساهلة ماهلة خاصك غي تبع معانا الخطوات المشروحة بالصور وغادي تفهم كيفاش تقدر تشري التمبر الالكتروني لراسك وبلا متكبرو لبنادم.

خطوات شراء التمبر الإلكتروني لجواز السفر المغربي 2024 :

باش تقدر تشري التمبر الالكتروني خاصك تدخل أولا الى موقع وزارة الداخلية المغربية

passeport.ma

مين غادي تدخل لهاد الموقع غادي تلقى قدامك بزاف ديال المعلومات فالقائمة الرئيسية.

نتا بفصفتك داخل باش تشري التمبر غادي يكون عليك تبرك على واحد البطونة مكتوب فيها ” اطلب طابعك الالكتروني عبر الانترنت 

مين كتبرك على ديك اللعيبة كتبان قدامك واحد النقشة خضرة مكتوب فيها ” اشتر طابعك الالكتروني عبر الأنترنت 

مين كتبرك على الخانة الخضراء مباشرة غادي تنتاقل الى موقع آخر تابع للمديرية العامة للضرائب.

فهادا الموقع غادي يكون عليك تشري التمبر وفيه غادي تخلص الثمن ديالو اللي كيسوا 500 درهم مغربية أي 10 آلاف ريال مغربية أي  50 ألف فرانك مغربية ??

وباش تقدر تشري التمبر كاينين بزاف ديال الخطوات خاصك ديرها باش تكمل العملية.

فالصورة اللي لتحت يمكن لك تبع الخطوات المشروحة بالترتيب لاش تعرف شنو تدير

غادي يكون عليك تقدم رقم الهاتف ديالك اللي كتستعملو حاليا حيتاش غادي تجيك فيه رسالة التأكيد وأيضا رقم التمبر الالكتروني

وأيضا خاصك تقدم البريد الالكتروني ديالك لاستعماله في حالة الطوارئ

وفوق هادشي خاصك تحدد واش تبغي تخلص التمبر الالكتروني ديالك عن طريق البطاقة البنكية (الى كانت عندك) أو عن طريق الوسطاء (الى مكانتش عند البطاقة البنكية)

هذا وسيكون عليك أيضا أن تحدد كيف تريد الدفع لشراء التمبر الالكتروني، هل عن طريق البطاقة البنكية أم عن طريق الوسطاء.

بالنسبة اللي باغي يخلص بالبطاقة البنكية

الى كانت عند البطاقة بنكية وبغيتي تخلص بها ثمن الطابع الالكتروني فما عليك غي تبع هاد الخطوات

غير كتضغط على تأكيد الطلب غادي توصل رسالة فرقم التلفون اللي قدمتي كتحتاوي على كود يتكون من 8 أرقام

هاد الرقم هو فقط للتأكد بأن رقم الهاتف اللي قدمتيه ليهم هو رقمك وأنك قادر على التواصل به.

المهم غادي يكون عليك ادخال هذا الرقم في الخانة المخصصة له كما هو مشروح في الصورة

بعض المرات يقدر تعطل الرسالة بسباب شي مشاكل تقنية معندهوم

المهم نتا تسنى 5 دقايق والى ماجاكش الميساج برك على زر “إرسال رقم جديد”.

على العموم عندما تدخل الرقم في مكانه المخصص ثم تضغط على تأكيد ، غادي تنتاقل الى صفحة خاصة بتقديم البيانات المصرفية.

فهاد الصفحة غايكون عليك القيام بالخطوات التالية:

  1. تحديد نوع البطاقة البنكية التي تتعامل بها ( VISA أو Master Card …)
  2. تدخل رقم البطاقة البنكية المكون من 16 رقما.
  3. تحديد تاريخ انتهاء صلاحية البطاقة (غادي تلاقاها مكتوبة على وجه البطاقة: مثلا 01/21 تعني أنها غادي تموت في يناير 2021).
  4. أدخل كود التحقق المكون من 3 أرقام على ظهر البطاقة.
  5. ثم تضغط على Valider le paiement

على أيِِ يمجرد غي تكمّل هاد العملية غادي توصلك رسالة من البنكة اللي كتعامل معاها فيها رقم الأمان

هاد الرقم اللي خاصك تدخلو فواحد الخانة خاصة غادي تبان ليك باش تقدر تكمل عملية الشراء.

مين غادي تدخل رقم الأمان وتضغط على موافق غادي تكون شريتي التمبر الالكتروني وغادي تظهر ليك واحد الصفحة جديدة عبارة “وصل شراء”

هاد الوصل مكتوب فيه بللي نتا شريتي بالفعل التمبر وغادي يخبرك بللي غادي توصل برسالة نصية كتحتوي على رقم الطابع الالكتروني

هاد الوصل مهم جدا وماخاصكش تفرط فيه ليبقى كوثيقة اثبات الشراء . لذلك يجب تنزيله على هاتفك أو حاسوبك والاحتفاظ به.

المهم مين غادي يوصلك رقم التمبر اللي كيتكون من 16 رقم حتى هو احتافظ به حيت هو اللي غادي تعمر به الاستمارة

بالنسبة اللي باغي يخلص عن طريق الوسطاء :

الى ماكانتش عندك البطاقة البنكية فراه تقدر تخلص التمبر عن طريق الوسطاء بحال مكاتب ” تسهيلات

وباش تقدر تدير هاد العملية غادي يكون عليك من تدخل الى موقع شراء الطابع الالكتروني اختيار الدفع عن طريق الوسطاء

وفهاد الحالة غادي يكون عليك تدخل رقم الهاتف فقط وبلا البريد الالكتروني ، كيفما هو مشروح في الصورة.

ومبعد تأكيد الطلب غادي يوصلك ميساج على موابيلك فيه رقم التأكيد، حيث سيكون عليك ادخاله في الخانة المخصصة لذلك كما هو مشروح في الصورة.

ومن بعد ما تدخل الرقم غادي يكون عليك تبرك على “تأكيد” باش غادي تبان ليك صفحة كتحتوي على توصيل فيه معلومات الدفع.

غادي يكون عليك تطليشارجي هاد الوثيقة وتديها الى مكتب وسيط قريب ليك باش تقدر تخلص ثمن التمبر ومن بعدها غادي يوصلك رقم التمبر في راسالة على الهاتف ديالك.

كيفية ملء استمارة جواز السفر المغربي 2024 :

أصعب مرحلة هي اللي دازت حيت كان فيها لفلوس، والحاجة اللي فيها لفلوس ديما صعيبة.

المهم من تحصل على رقم الطابع الالكتروني غادي يكون عليك تكتبو في الاستمارة ديال الباسبور .

هداك علاش غادي يكون عليك تولي تدخل مرة أخرى الى موقع وزارة الداخلية المغربي ثم البدء في عملية تعبئة استمارة جواز السفر.

جميع المعلومات اللي كيطلبو منك ساهلة وهي مشروحة في الصورة أسفله

مين غادي تسالي من التعمار ديال الاستمارة غادي يكون عليك النقر على “تأكيد” اللي غادي تنقلك الى صفحة جديدة  فيها كافة المعلومات التي قدمتها وبعد المراجعة يمكنك الموافقة.

وبهذا ستحصل على استمارة جواز السفر 2021 مملؤة حيث سيكون عليك توقيعها ثم تقديمها رفقة الوثائق السالفة الذكر الى السلطات المحلية المختصة.

مدة استخراج جواز السفر المغربي :

مدة استخراج جواز السفر كتراوح بين 7 و 10 أيام ويمكن تتبع الطلب ديالك باش تعرفو فين وصل عبر هذا الرابط

متابعة جواز السفر المغربي

كم يستغرق تجديد جواز السفر المغربي ؟

يستغرق تجديد جواز السفر المغربي ما بين 3 الى 7 أيام عمل وذلك بحسب عدد الطلبات.

مدة صلاحية جواز السفر المغربي :

كتوصل مدة صلاحية جواز السفر البيومتري الى 5 سنوات للأشخاص اللي كتزيد أعمارهم على ثلاث سنوات.

أما الأطفال اللي عندهوم أقل من 3 سنوات فإن مدة صلاحية جواز السفر مكتعداش 3 سنوات.

2_جواز السفر المغربي للمغاربة المقيمين في الخارج :

هاد الفقرة غادي تكون كتهضر على ملف جواز السفر المغربي للناس اللي عايشين في الخارج ، وغادي نهضرو على الوثائق اللي مطلوبة للصغار والكبار.

وأيضا غادي تهضر على الجهات المختصة اللي يمكن للمغربي المهاجر تقديم الطلب ديالو فيها.

بالإضافة الى معلومات أخرى غادي تلقاها في الجزء الثاني من هذا المقال من هنا

وثائق جواز السفر المغربي 2024 للمغاربة المقيمين في الخارج (الجزء الثاني)

نترككم مع هدا الشرح الشرح المفصل والمختصر حول جواز السفر المغربي من خلال هدا الفيديو على موقع يوتيب

ويمكن ليك أيضا تطالع على مواضيع أخرى كتهم المغاربة عبر موقع أمجد من هنـا:

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *