الهجرة

وثائق جواز السفر المغربي 2024 للمغاربة المقيمين في الخارج (الجزء الثاني)

في المقال السابق تكلمنا على وثائق جواز السفر المغربي للمغاربة اللي عايشين في المغرب وتكلمنا بالتفصيل على الأوراق اللي خاص تكون فملف الطلب والاجراءات اللي خاصها تندار باش تحصل على جواز السفر ، وأيضا قدمنا شرح بالصور لطريقة شراء التمبر الالكتروني وكيفية ملء استمارة جواز السفر .

يمكن ليك ترجع الى الجزء الأول من هذا المقال الى بغيتي تعرف شنو هي الاجراءات والوثائق المطلوبة لاستخراج جواز السفر المغربي من داخل المغرب.

جواز السفر المغربي 2024 .. تعرف على وثائق جواز السفر المطلوبة للمغاربة داخل المغرب (الجزء1)

اليوم غادي نهضرو على المغاربة اللي مقيمين في الخارج وغادي نهضرو على الاجراءات والوثائق اللي خاصهوم يقدموا باش يحصلو على جواز السفر المغربي.

معلومات على جواز السفر المغربي للمغاربة المقيمين في الخارج:

بصفة عامة فإن جواز السفر المغربي البيومتري هو واحد الوثيقة فردية ديال السفر يقدر يحصل عليها أي مواطن مغربي بدون شرط السن

اللهم إن كان شي حكم قضائي كيمنع شي واحد من الحصول على جواز السفر المغربي.

مدة صلاحية جواز السفر المغربي هي 5 سنوات للأشخاص اللي عمرهم كبر من 3 سنوات

أما الأطفال اللي عمرهم قل من 3 سنوات فإن مدة جواز السفر عندهم هي 3 سنوات فقط.

جواز السفر المغربي غير قابل للتمديد، يعني ماشي الى تسالات الصلاحية ديالو كتمشي تطلب يمددوه ليك، ولكن كتمشي تطلب واحد آخر من جديد.

يتم إصدار جواز السفر البيومتري بناء على الطلب ديال اللي باغي يحصل على الباسبور أو ممثله القانوني الى كان قاصر أو راشد تحت الوصاية.

أين يجب تقديم طلب الحصول على جواز السفر المغربي للمقيمين في الخارج ؟

الناس اللي عايشين في الخارج خاصهم يقدموا الطلب باش يحصلوا على جواز السفر المغربي في الدائرة القنصلية المختصة في بلد اقامتهم.

♦ بالنسبة للراشدين (أي اللي عندهوم 18 سنة لفوق) يتم اعداد جواز السفر البيومتري على أساس البطاقة الوطنية (لاكارط ناسيونال)، أو على أساس وصل ايداع طلب الحصول على البطاقة الوطنية مسلم من الدائرة القنصلية المختصة

♦ بالنسبة للأطفال القاصرين اللي كتقل أعمارهم على 12 عام واللي مكيتوفروش على لاركارط ناسيونال، يتم اعداد جواز السفر ديالهم على أساس عقد الازدياد

♦ أما بالنسبة للقاصرين اللي أعمارهم بين 12 و18 لعام واللي مزال محصلوش على بطاقة التعريف الوطنية الالكترونية

 خاصهم يمشيو للدائرة القنصلية اللي تابعة ليها أماكن السكن ديالهم باش يقدموا البصمات .باش عاد يقدروا يفَعْلو الطلب ديالهم

على العموم خاص أي واحد بغى يحصل على جواز السفر المغربي من الخارج يقدم الطلب ديالو للدائرة القنصلية اللي تابع ليها محل السكنى ديالو.

وخاص اللي ياغي يقدم الطلب ديالو يحضر بشكل الزامي عند تقديم الطلب الى الدائرة القنصلية اللي تابع ليها

أما الى كان مقدم الطلب مزال قاصر فخاصو يجيب معاه اللي كيمثلو أو الوصي القانوني عليه.

غير هو خاص الممثل أو الوصي القانوني يجيب معاه هاد الوثائق:

  • بطاقة الهوية ديالو الأصلية + فوطوكوبي
  • وثيقة إثبات صفة الممثل القانوني وعلاقته بالقاصر، إذا كان شخصا آخر غير الأب أو الأم؛
  • الإدلاء بالوصل إلزامي عند سحب جواز السفر.

في حالة تغيير أو سرقة أو فقدان جواز السفر المغربي:

اللي بغى يغير جواز السفر أو بغى يحصل على واحد جديد حيتاش تسرق ليه الأول أو تلف ليه فخاصو يدير هادشي

  • تصريح بالشرف من طرف المعني أو ولي أمره أو ممثله القانوني، مصدق عليه لدى المصالح القنصلية أو السلطات المحلية. (يمكن الحصول على النموذج من القنصلية المغربية)

وثائق جواز السفر المغربي 2024 للجالية المغربية في الخارج

من بعد ما تعرفنا على بعض المعلومات المتعلقة بجواز السفر المغربي للناس اللي عايشين في الخارج.

غادي نتعرفوا دابا على الوثائق المطلوبة لاستخراج جواز السفر المغربي من الخارج للراشديين والراشدين تحت الوصاية والقاصرين بين 12 و18 سنة والأطفال الأقل من 12 سنة.

وثائق جواز السفر المغربي 2024 للراشدين :

المقصود بالراشدين هوما الناس اللي عمرهم 18 سنة وما فوق .

هاد الفئة الى بغات تصاوب جواز السفر المغربي من الخارج خاصهم يقدمو هاد الوتائق

  • التسجيل القنصلي (الجديد بعد تحديثه)
  • بطاقة التعريف الوطنية سارية الصلاحية (الأصلية + فوطوكوبي) أو الوصل (الروسي) باش دفعتي لاكاراط. (الى كنتي غادي تدفع غي بالروسي خاصك تقدم معاه نسخة من عقد الازدياد أو النسخة الكاملة من شهادة الميلاد مكيتعداش التاريخ باش شديتها 6 شهور
  • 2 تصاور جداد ومتطابقين وبخلفية بيضاء أو زرقاء وبمقاس 30 مم × 40 ملم؛
  • في حالة التجديد، يجب تسليم جواز السفر القديم.

المقاول الذاتي في المغرب 2024 .. شرح كامل لهذا الموضوع بشكل مفصل ومبسط وبالدارجة المغربية

الوثائق المطلوبة لجواز السفر المغربي للراشدين تحت الوصاية :

الراشدين أو البالغين تحت الوصاية هو الأشخاص اللي وصلوا لسن الرشد ولكن مازال تحت الوصاية ديال أولياء الأمور ديالهم بسبب الدراسة، أو بسبب شي مرض.

هاد الفئة خاص الى بغاو يحصلو على الباسبور المغربي من الخارج خاصهوم يقدموا الوثائق اللي مطلوبة للراشدين زائد هاد الوثائق:

  • بطاقة الهوية بالنسبة للممثل القانوني (النسخة الأصلية + نسخة) ؛
  • وثيقة إثبات صفة الممثل القانوني وعلاقته بالشخص تحت الوصاية، إذا كان شخصا آخر غير الأب أو الأم؛
  • الحضور الإجباري للشخص تحت الوصاية وممثله القانوني.

وثائق جواز السفر للقاصرين بين 12 و18 سنة :

هاد الفئة كيفما أشرنا الى مكانش عندهوم البطاقة الوطنية خاصهوم يمشيوا للسلطات القنصلية اللي تابع ليها محل الاقامة ديالهم باش يقدمو البصمات باش يقدور يقدموا الطلب.

على العموم الوثائق اللي مطلوبة للقاصرين هي نفس الوثائق المطلوبة للراشدين بالاضافة الى أنهم خاصهوم يكونو مصحوبين بشخص كيمثلهم أو وصي قانوني عليهم :

  • التسجيل القنصلي (حديث بعد تحيينه)؛
    بطاقة التعريف الوطنية سارية الصلاحية (الأصلية + نسخة) أو نسخة من وصل إيداع طلب إصدار أو تجديد البطاقة الوطنية.
  • في حالة الإدلاء بوصل طلب الحصول على البطاقة الوطنية ، يتعين على المعني الإدلاء بنسخة من عقد الازدياد أو النسخة الكاملة من شهادة الميلاد لا يتعدى تاريخ إصدارها 6 أشهر؛
  • 2 تصاور جداد ومتطابقين وبخلفية بيضاء أو زرقاء وبمقاس 30 مم × 40 ملم؛
  • في حالة التجديد، يجب تقديم جواز السفر القديم.
  • بطاقة الهوية بالنسبة للممثل القانوني (النسخة الأصلية + نسخة) ؛
  • وثيقة إثبات صفة الممثل القانوني وعلاقته بالشخص تحت الوصاية، إذا كان شخصا آخر غير الأب أو الأم؛

سان مارينو دولة أوروبية وسط ايطاليا بدون تأشيرة للمغاربة .. فهل تعرف كيفية الوصول اليها؟

الوثائق المطلوبة للحصول على جواز السفر المغربي للأطفال الأقل من 12 سنة:

الأطفال اللي السن ديالهوم ماوصلش لـ 12 عام غادي يكون عليهم الى بغاو يستخرجو جواز السفر يمشيو الى الدائرة القنصلية المختصة مع الممثلين ديالهم أو الوصي القانوني عليهم ويقدموا هاد الوثائق:

  • أن يكون القاصر مسجلاً لدى الدائرة القنصلية المختصة؛
  • نسخة موجزة من رسم الولادة أو النسخة الكاملة من شهادة الميلاد، لا يتعدى تاريخ إصدارها 6 أشهر، أو نسخة من الدفتر العائلي (كناش التعريف والحالة المدنية القديم غير مقبول).
  • يجب أن تتضمن هذه الوثيقة اسم ولقب الطفل اللي باغي يخرج جواز السفر وأسماء والديه باللغة العربية واللاتينية.
  • 2 تصاور جداد ومتطابقين وبخلفية بيضاء أو زرقاء وبمقاس 30 مم × 40 ملم؛
  • في حالة التجديد، يجب تقديم جواز السفر القديم.

رسوم استخراج جواز السفر المغربي في الخارج:

باش تقدر تحصل على جواز السفر المغربي من الخارج خاصك تدفع واحد الرسوم ديال كتقسم على جوج

  • رسوم اللي كتدفع كحقوق للسفارة
  • الرسوم اللي كتدفع كمقابل على الخدمة

هاد الرسوم كتختلف بحسب الأعمار ديال مقدمي الطلبات وأيضا بحسب واش كيطلبو جواز السفر أو مرة أو كيجددوه بسبب السرقة أو الاتلاف …

رسوم فيزا شنغن سترتفع ابتداءََ من يناير 2021 .. تعرف على الاجراءات الجديدة بخصوص فيزا شنغن

1_ رسوم استخراج جواز السفر المغربي البيومتري لأول مرة :

بصفة عامة أي مغربي بغى يحصل على جواز السفر من الخارج خاصو يدفع 860 درهم اللي كتقسم على هاد الشكل :

  • 800 درهم كحقوق للسفارة
  • 60 درهم كتدفع كتكاليف للخدمة

2_ رسوم انجاز أو تجديد جواز السفر للطفل الأقل من 18 سنة :

الطفل اللي مزال مابغلش 18 عام وبغى يحصل على جواز السفر لأول مرة أو بغى يجددو فإن رسوم الخدمة هي 60 درهم فقط.

3_ رسوم تجديد جواز السفر جراء ضياعه للراشدين :

الشخص الراشد الى بغى يجدد جواز السفر حيت ضاع منو غادي يكون عليه يدفع 1080 درهم واللي غادي تقسم على هاد الشكل

  • 1000 درهم كحقوق للسفارة
  • 80 درهم كتدفع كتكاليف للخدمة ديديهوم

4_ رسوم تجديد جواز السفر القديم جراء ضياعه للقاصرين أقل من 18 سنة

القاصرين اللي ضاع منهم جواز السفر غادي يكون عليهم يأديو 80 درهم فقط كرسوم للخدمة

ولمزيد من المعلومات يرجى الرجوع الى موقع وزارة الشؤون الخارجية والتعاون الدولي المغربية للاطلاع على تفاصيل أكثر بخصوص اجراءات وشرووط و وثائق جواز السفر المغربي من الخارج

وزارة الشؤون الخارجية والتعاون الدولي 

متابعة جواز السفر المغربي :

من بعد ما تقدم الطلب ديالك تقدر تتابعو وتعرف فين وصل على البوابة passeport.ma 

فهاد الموقع غادي يكون عليك تبرك على خانة خضراء مكتوب فيها “تتبع الطلب”

من غادي تبرك عليها غادي يكون عليك تدخل:

  • رقم الملف المسجل على الوصل، والذي يتكون من 16 خانة: البلد (3 خانات) + القنصلية (3 خانات) + السنة (4 خانات) + رقم الطلب (6 خانات)؛ أو
    معلومات شخصية (الاسم، النسب وتاريخ الازدياد).

جواز السفر الجزائري البيومتري .. كل ما تريد معرفته عن هذا الموضوع بالتفصيل وبالصور

اجراءات تسليم جواز السفر المغربي:

لسحب جواز السفر البيومتري خاص يحضر المعني بالأمر شخصيا أو الممثل القانوني عليه مصحوب بوصل الادلاء وبطاقة الهوية.

في حالة التجديد، لا يتسلم مقدم الطلب جواز سفره البيومتري إلا من بعد مكيقدم جواز سفره القديم إلى المصالح القنصلية التي تعمل على إلغائه وإبطاله (التثقيب) قبل إعادته إليه.

في حالة تغيير أو سرقة أو فقدان جواز السفر القديم: الإدلاء بتصريح بالشرف مصدق عليه لدى المصالح القنصلية أو سلطات البلد المضيف.

الى كان الباسبور القديم مزالين فيه شي تأشيرات سارية المغعول غادي يكون على مقدم الطلب اخبار الموظف المكلف بالالغاء باش مايديرش ختم الالغاء على الصفحة اللي فيها التأشيرة.

المهم هادشي اللي عطا الله فهاد الموضوع نتمناو تكونوا قد استفادتو منو ، الى كان عندكم شي سؤال أو شي حاجة بانت ليكم ماشي هي هاديك فمتبخلوش علينا بوضعها فتعليق وغادي نجاوبو عليها فأقرب وقت.ممكن

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *