أخبار وباء كورونافرص للاستثمار

تمويل المقاول الذاتي 2020 .. صندوق الضمان المركزي يطلق “ضمان المقاولين الذاتيين كوفيد 19”

تمويل المقاول الذاتي .. فإطار الاجتماع اللي عقداتو لجنة اليقظة الاقتصادية يوم الاثنين 20 أبريل 2020 بخصوص تنزيل التدابير الجديدة اللي كتهدف لتخفيف آثار الأزمة اللي تسبب فيها فيروس كورونا على المقاولات.

فهاد الاجتماع أعلن صندوق الضمان المركزي على خلق آلية ضمان للقروض البنكية كتهم كل مقاول الذاتي تضرر من هاد الوباء وفق بعض الشروط والاجراءات.

هاد الآلية طلقت عليها اللجنة اسم “ضمان المقاولين الذاتيين كوفيد 19” .وتم تفعيلها اعتبار من يوم الإثنين 27 أبريل 2020.

وكتمثل في وضع قرض بدون فائدة رهن إشارة المقاولين الذاتيين يقدر يوصل حتى لـ 15 ألف درهم.

ويمكن تسديد هاد القرض،  على مدى 3 سنوات مع فترة سماح مدتها سنة واحدة.

غادي يتحمل قطاع التأمينات الفوائد ذات الصلة بالكامل. وغادي يساهم بمبلغ 100 مليون درهم في آلية الضمان اللي وضعتها الدولة من خلال صندوق الضمان المركزي.

فهاد المقال غادي نحاولو نشرحوا بعض المعلومات اللي كتهم تمويل المقاول الذاتي بقروض في اطار “ضمان المقاولين الذاتيين كوفيد 19”. اللي تم نشرها على موقع صندوق الضمان المركزي ccg.ma

المقاول الذاتي 2020 .. شرح كامل لهذا الموضوع بشكل مفصل ومبسط وبالدارجة المغربية

شروط تمويل المقاول الذاتي 2020 في إطار “ضمان المقاولين الذاتيين كوفيد 19” :

أولا خاص المقاول الذاتي مايكونش سبقلو استافد من “ضمان أكسجين” اللي كانت علنات عليه وزارة الاقتصاد والمالية وإصلاح الإدارة، يوم الخميس 26 مارس 2020، واللي كيهم المقاولات الصغيرة جدا والصغرى والمتوسطة المتأثرة بالأزمة والتي لا يتجاوز رقم معاملاتها 200 مليون درهم.

دابا أجي نشوفو الشروط اللي خاص تتوفر فكل مقاول ذاتي باغي يستافد من هذا الضمان:

1_ أن يكون منخرطا في نظام المقاول الذاتي :

ضروري خاص يكون الشخص اللي باغي يستافد من هاد الضمان، مسجل في نظام المقاول الذاتي وعندو بطاقة المقاول الذاتي.

الى بغتي تعرف كيفية التسجيل في نظام النظام المقاول الذاتي وتحصل على بطاقة المقاول الذاتي ، يمكن ليك ترجع لهاد المقال اللي تكلمنا فيه بالتفصيل على جميع الخطوات والاجراءات اللي خاصك تديرها باش تشد هاد البطاقة.

بطاقة المقاول الذاتي .. شرح مفصل وبالصور لطريقة ملء استمارة المقاول الذاتي بالمغرب 2020

2_ ألا يكون في وضعية التخلف عن السداد :

ميكونش المقاول الذاتي تخلف على تسديد المستحقات الضريبية اللي على عاتقو (إشارة إلى الكتاب الخامس من القانون التجاري

3_ أن يكون المقاول الذاتي قام بايداع اقراره الضريبي:

خاص المقاول الداتي يكون كيصرح بالاقرارات الضريبية منذ أقل من سنة، إلى غاية 30 ابريل 2020 كحد أقصى.

غير هو خاصك تعرف بللي إلى كنتي عاد حصلتي على بطاقة المقاول الذاتي فشهر 4 مثلا، فراك مغاديش تستافد من قرض المقاول الذاتي حيت مزال مقدمتي أي تصريح أو اقرار ضريبي.

كيفاش غادي يتم تمويل المقاول الذاتي ؟

القروض بدون فائدة اللي غادي تقدمها البنوك لأصحاب المقاولة الذاتية المؤهلين غادي تكون وفق واحد المجموعة من الشروط:

1_ الغرض من الحصول على القرض:

هاد القرض غادي يتعطى للمقاول الذاتي باش ينفقها على الأمور الضرورية اللي كتهم المقاولة الذاتية ديالو واللي مايقدرش يأجلها.

مثلا باش يخلص فواتير الماء والكهرباء، والكراء، السلعة…

2_ قرض في حدود 15 ألف درهم:

المبلغ اللي يقدر المقاول الذاتي يحصل عليه يقدر يوصل حتى لـ 15 الألف درهم على الأكثر، ولكن ماشي كلشي غادي ياخد هاد القرض بهاد المبلغ.

حيث مبلغ القرض كيتحدد انطلاقا مما يعادل 3 أشهر من رقم المعاملات المصرح به في آخر إقرار ضريبي.

يعني الى كانت آخر 3 أشهر من رقم المعاملات اللي صرحتي بها هي 10 ألاف درهم، فغادي تاخد قرض بـ 10 ألف درهم. والى كانت 11 ألف درهم غادي تاخد 11 الألف درهم.

وحتى الى كان رقم المعاملات المصرح به فآخر 3 أشهر أكثر من 15 ألف درهم فغادي تاخد قرض ديال 15 ألف درهم فقط.

3_ تسديد القرض خلال 3 سنوات :

القرض غادي يكون على المقاول تسديدو خلال 3 سنوات، ويقدر يبدى يسددو مباشرة فأول شهر من حصوله على القرض .

ولكن فحالة الى مقدرش فراه عندو مدة كتوصل حتى لسنة واحدة ميخلص فيها والو، وبدون مشاكل.

ومن بعد ماتدوز هاد السنة داك الساعة خاصو يبدا يخلص لكريدي اللي عليه.

وفجميع الحالات القرض خاصو يتخلص في 3 سنين، يعني الى مخلصتيش فالعام اللول، راه غادي يبقالك غي عامين اللي خاصك تخلص فيها.

الجميل في الأمر أنك مغاديش تخلص الفوائد، يعني الى خديتي  15000 درهم، غادي يكون عليك ترد 15000 درهم بدون زيادة.

أيضا ما غاديش تطلب منك البنكة شي ضمانات.

نتا غادي يكون عليك فقط تدفع واحد 100 درهم دون احتساب الرسوم كتكلفة الضمان.

الوثائق المطلوبة للتقديم طلب الحصول تمويل المقاول الذاتي 2020 :

  • طلب قرض ؛
  • نسخة من بطاقة التعريف الوطنية و بطاقة المقاول الذاتي ؛
  • نسخة من الإقرار الضريبي الأخير ووصل أداء الضريبة ذات الصلة.

تجدر الاشارة الى أن كل مقاول ذاتي عندو الحق يستافد من هاد الضمان مرة واحدة فقط.

أين يجب تقديم طلب الحصول على قرض المقاول الذاتي ؟

غادي يكون على المقاول الذاتي تقديم الطلب ديالو في أحد البنوك الشريكة لنظام المقاول الذاتي.

ولكن لحد الساعة مزال ممعروفاش الآلية اللي خاص يتقدم بها هاد الطلب، واش عن طريق الأنترنت عبر المواقع الالكترونية ديال البنوك، أو عن طريق التوجه مباشر الى الوكالات البنكية.

مزال بعض المعلومات شوية غامضة، وأكيد كاينة بزاف ديال الصعوبات غادي تواجه بعض المقاولين الذاتيين، ولكن ننتاظرو الأيام المقبلة لعل وعسى تعلن اللجنة المختصة عن توضيحات أكثر.

تتنبيه : موقع amjd هجرة يمنع منعا كليا إعادة نسخ محتوياته كليا أو جزئيا سواء في مواقع أخرى أو على منصات التواصل الاجتماعي (الصفحات والمجموعات). كما يمنع اعادة استعمال محتوياته في فيديوهات اليوتيوب. وكل من أراد اعادة نسخ بعض محتويات الموقع، يجب أن يذكر المصدر برابط نصي واضح يحيل مباشرة الى المقال الأصلي الذي تم نسخه وفي حال عدم احترام هذا الشرط سنعتبر أي نسخ لمحتوياتنا انتهاكا لحقوق الملكية تعرض صاحبها للمتابعة القانونية وكذا التبليغ عن المخالفة للشركة المستضيفة للموقع وشركة Google AdSense


متابعي موقع أمجد يمكنم الآن التواصل معنا على الفيسبوك على هدا الرابط أو الدخول الى منتدى أمجد وطرح جميع أسئلتكم المتعلقة بالهجرة ، وسنجيب عليها في أقرب وقت ، ماعليكم سوى الضغط على اسأل أمجد الذي سيحولكم الى المنتدى مباشرة ، حيث يمكنكم التواصل معنا بسهولة أكثر 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

Comment moderation is enabled. Your comment may take some time to appear.

إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock